सम्बन्धको पुल

कविता

जब मान्छेले कर्तव्य बिर्सन्छ
दायित्व सम्झदैन
लगाएका गुणहरु भुल्छ
मात्र अधिकार खोज्छ
र त्यसपछी
बल्न थाल्न घृणाको मैनबत्ती
बराबर आधा– आधा सम्भावना
जसरी मैनबत्ती बल्नु र निभ्नुमा
अक्सिजनको महत्व हुन्छ
अनि मैनबत्ती आफ्नै पनि
दईटा कुरा कि त सकिन्छ
 कि सकाउँछ अरुलाई पनि
जब अहम्ता उकालो लाग्छ
घमण्ड पछी लाग्छ
प्रशंशाले कसैको प्रतिक्षा गर्छ
अड्कलबाजीको बादल लाग्छ
शंका उपशंकाको झरी पर्छ
बैमनस्यताको हुरी चल्छ
वादविवादको भेल आउँछ
हो त्यसैबेला
 भत्किन्छ एउटा सम्बन्धको पुल
र टुङ्गिन्छ एउटा अध्यायको कथा ।


कल्पना प्रकृति  मन्थली ८ रामेछाप